History Of Baloch

History of Baloch is very wide but we are going to focus Baloch history from downfall of Mangol empire and raise of Rind Lashar Union and Mirwani Rules of Kalat. Following video will give you a detail understanding of Baloch history.

براہوئی بلوچی زبان ءِ کنا - | حمید عزیز آبادی | Brahui Balochi Zuban Ay Kana

Book Name : Brahui Balochi Zuban ay Kana

Writer:           Hameed Aziz Abadi
Publisher:      Aamach Adabi Deewan (Registered) Mastung Balochistan.
Year:               2018
Cover Photo:

READ ONLINE OR DOWNLOAD

Diva -- Aziz Abadi (براہوئی افسانہ ڈیوا )

Allah o Akbar | Hameed Aziz Abadi

SHOGEER | Hameed Aziz Abadi

شوگیر 

( عزیزآبادی)

او کنا تِیدار نا کِرنچ آتے خوانسہ کنا بیوسی ءُ بزّگی نا وِیدن ءِ سرپند مس، او کنا پِروکا خن تا خِیسُنی نا رازءِ ہم پُہہ مس ، دا ہیت پَک ءِ ،کہ ای بھلّو گیر ئسے آن مُرغن آ نن تا شوگیر اٹ اختہ و جان اُٹ، ای اُوڑان دا سوج ءِ کیو، ۔۔۔کہ نی کنا مونجھائی و تلوسی ءِ امر چائیسُوس، نی کنا خن تا خیُسی نا مسخت ءِ دِیر آن سوج کریس۔۔۔؟ ای اونا دانائی و حکمت آ حیران مسُّوٹ کہ کنا سوج آن مُست کنا سوج نا ورندی ءِ تس ،پارئے۔۔۔ نا تیدار نا کرِنچ آتے ٹی نا بیوسی او بزّگی نا تیوی او داستان ئس نوشتہ ءِ ، نا پَروکا خنک ہم دا گواہی ءِ ایترہ کہ نی سوب ئسے نا استار کن بیخی تلوسہ اُس ۔۔۔ او کنا خیسُن آ خن تے تہکیر اَٹ ہریسہ کنے پارے ۔۔ ای ہم نے آن بار مُرغن آ نن تے شوگیر اٹ تدیفینُٹ، او کنے دا ہم پارے کہ اول سرئٹ نے آن بار کنا باء ٹی ہم دَرم و ایلمی نا ہنین آ ہُورئے تِسُّر۔۔۔ ہمو ہنین آ زہر وخت تون اوار اوار کنا تیوی جون اٹ تینا تاثیر ءِ بھاز تُرندی اٹ تالان کرسہ کرئے، اَندن نے آن بار کناہموکان بیوسی و بزّگی، لنگھڑی و نت شپادی، خڑینک و خسّکہ نا خرین آ دئے تا بناء مس، ای ہم نے آن بار ہنین او زند ئسے کن جت پت کریٹ، کنا دا جت پت آن ہر نیمہ غا لُمّہ نا ماک چست مسُّر، جوزہ غاک ہم وگّا ہنگار، عاشق آتا قافلہ موت نا خن تے ٹی خن تے خلیسہ کاٹم تلف آ راہی راون مسُّر، جونک تمّسہ کریر ، پیرانگا باوہ غاک ورنا تا شریدہ مروکا جون تے کوپہ تِسُّر، چندی روناک اینو اِسکان گار ۔۔۔۔ کہی تا جونک بے گور ءُ کفن اسہ کڈ ئسے ٹی پُوروک۔۔۔۔ ڈاکٹر ءُ استادآک ہم سُم تا گواچی۔۔ پین تو پین ، کودک آک ہم مرگ نا باہوٹ ٹی۔۔۔۔ 

اونا دا گپ آتیان کنے انداگمان مس کہ او ہُو بہ ہُو کنا ساڑی حالت نا قصہ ءِ بیان کننگ ٹیءِ، اونا ہیت آک نہ بیرہ یکمہ ٹِک اسُّر، بلکہ او نا ہرلوز رغدار نا سُم آن بار کنا اُست ٹی ہم لگّسہ کریکہ ۔ اونا ہیت آتے آن ای دا سرپند مسُّوٹ ، او کنا دڑد ءُ غمان پورو وڑئٹ سُہو ئے، اندا سبب آن کنے اوڑان پین سوج چست کننگ نا جیرت ہم ودی متو، کنے پک گمان مس کہ اوکنا مون آ روح بہ روح تولوک اف، بلکن اوکنا است نا تِہہ تُرون ٹی ءِ، انتئے کہ سوج ءِ سُجّفنگ آن مُست سوج نا ورندی بیخی سر جم اس۔

نیٹ ای جیرت کرسہ بنگان آن دا سوج ءِ چست کریٹ، کہ نی ہم اندا ڈکھ ءُ ویل ، سختی ءُ سوری، جور ءُ جفا تیان تدیسہ کرینُس ، ای ہم اندا سختی ءُ سوری تیان گدرینگنگ ٹی اُٹ ، نی تومرغن آ نن تا شوگیر آن مدامی سرسوب مسُّوس،گُربام نا اِستار نما تیدار آ گروشک تِننگ ٹی ءِ، ولے کنا گُربام نا اِستار داسکان ءِ ڈُب ٹی ءِ کنا استار داسکان مون انگا جمّر تا گواچی ءِ ، نی کنے دا پا کہ کنے پین اَٹ وخت شوگیر کروئی تمّک، ای پین اٹ وخت اسکان شریدہ غا جون تے کوپہ تروٹ۔ ۔ ۔ ۔ ای پین اٹ وخت ئس کان تینا ڈغار آ بدر سلوٹ۔۔۔۔؟ او اسہ ساعت ئسے کن کنا خن تے ٹی ہُرا، ای ہم اونا پُرمہر آ خن تے ٹی تین کِن اُمیت نا ڈیوا ئے روشن خنسہ، ہمت و جاغُن نا کلہوئے تالان خناٹ، او تینا ورندی آن مہالو کنے غورئٹ بِننگ او عمل کننگ ناپارت کرسہ پارے، کہ کنا ہمت و حوصلہ ہمو وخت اِسکان برجا اس تا وخت اِسکان او دم کشتہ متویسُوس، ہرا تم آ کہ او دم کشتہ ءُ دمدر مس گُڑا کنا شوگیر کروکا ننک گروبام ئسے نا پڑوئے کریر۔ کچاری نا گڈسرئٹ بنگال اسہ متل ئس پارسہ کنے آن موکل کرئے، جنگ بیرہ منہ ساعت نا ئے، نرینہ تاؤ ہتے۔

Brahvi Afsana "Mard Ata Toli" by Hassan Nasir

مرد آتا ٹولی
نوشتہ : حسن ناصر
 

ریک آتا اسہ بھلو پٹ ئسے ٹی روان ہفت بندغ نا ٹولی خانخور آتا مثال اَٹ اسہ قطار اسے ٹی روان اسُّر ۔ ڈھاڈری آ دُوپُر آک اوفتا لخ تیٹی لڑونج اَسُر ۔۔۔ دا پَینگُن آریک اَٹ ،اوفتا بلوچی آچَوَٹ آک ڈُب ہلیسا ۔۔۔ جوڑک تا ملاسی آن بارُن ۔۔۔۔ جوڑتا تا رہیک پیہُن پیہُن چوڈی تفوک ۔۔۔ اسہ بھلو ملاسی ئس اوفتا جوڑ تے آ تالان۔۔۔تینا ملاسی ءِ مُر کننگ کن کلّی تے لخ آن کشارہ ۔۔۔۔ اوتا اوفتا بابیرہ ملیسا تینا بُوز آ توریرہ ۔۔۔۔ولے کلّیک ڈکال نا ڈیک اَٹ ، اسہ پڑینک ئس ہم شیموش کتویکہ ، کہ اوفتا مچہ نُک آک پالِر ۔۔۔۔ولے ورنائی نا جوزہ ٹی پُر خمار ۔۔۔۔ ہراتم ورنائی چلتن نا بالاد آنبار بڑز کاٹم ارفک گڑا بندغ ءِ زند اَنا ہچ درک لگِپک و اونا خنک آسمان اَٹ خلنگرہ ، او ہر ویل ءِ اندن چُنک خنیک دُنکہ مَش اَنا ٹول آن شیفکو درخت آک ۔۔۔۔ شونق بندغ ءِ مرک اَتون جنگ ایتک ۔۔۔۔ ورنائی نا جوش ءُ شونق اَٹ گم و گار آ شکار نا رندٹ ،ولے وخت وخت شکاریک اندن شکار نا رندٹ تہل تمیّرہ کہ جند تا شکار مریرہ ۔۔۔۔ دا ٹولی نا خنک ۔۔۔ ڈاک اَنا قبلہ نا پارہ غا اسہ مَش اسے نا سیاگ آتوروک ۔۔۔۔ داتا شکار نا مسخت ختم ۔۔۔۔۔ بیرہ تینا ملاسی ءِ مُر کننگ کن دیر اَنا پٹ و پول اَس ۔۔۔۔ انتئے کہ دیر ارے تو زند ارے ۔۔۔۔ پند ،،،،،،پند ،،،،،، پند ،،،،، آخر ہمو مَش ءِ حد کریر ہراڑے اوتا خن توروک اَسُّر ۔۔۔۔۔ اوتے دا گمان اس کہ دا مَش اَٹ آبادی ارے ۔۔۔۔ مش ءِ حد کننگ تون اوفک اسہ ایلو آ ہُرار ۔۔۔۔ بشخندہ ئس اوفتا مون آ تالان مس داسہ اوفک تینا قطار ءِ پرغیسا جوڑی مریسا ہنار دُنکہ چُک آک دیر آ اوار مریرہ ۔۔۔ دا ہمو ہفت بندغ نا ٹولی ءِ ہرا کہ چُنک سَنی آن سنگت اَسُر ، ہرا تے شکار نا بھاز شونق ءِ ۔۔۔۔ اوفک مَش اَنا پاناد آ اسہ گدان ئسے نا خڑکا سر مسُّر ۔۔۔ اسٹ تا تینا بارُن آ گھٹ ءِ کانگاریسا اسہ توار ئس چست کرے ۔ کس ارے ۔۔۔۔۔؟؟؟ کس ارے ؟؟؟ ننا دیک کھٹانو ننے دیر ایتبو ۔ منہ ساعت آن گڈ اسہ پیرو بھلہ ئس گدان آن پیش تما ، اونا مُخ کُب ،،،، لٹ اَسے نا ٹیک ءِ الیسا ۔۔۔ اونا مون آ بے حساب آ کرنچ آک ۔۔۔۔ پُژہ غاک تہ پیہُن ۔۔۔۔بھاز پیری آن خنک تہ کھوڈ اَٹی ہناسُر ۔۔۔۔۔ ورندی تِس !!! انت اَسے کنا مل ؟؟؟؟ لمہ ننا دیک کھٹانو نن بھاز ملاس اُن ۔۔۔۔ ننے دیر ایت ۔۔۔۔۔ای لُمہ صدخہ ببو خیرٹ دیر کوڑ !بھلہ اسہ ٹپُّر ئس گدان نا کیب آ تالان کرے ۔ ہفت اَنا ٹولی بس انداڑے توس ۔اوفتا دم دری آن جون یلہ ۔۔ بھلہ گدان نا ماس آ تِرکل اَٹ ٹنگوکا خواغان اسہ مِّسی او تاس ئس دیراَنا شاغا ۔۔۔ ہر ہفت آ ورناک اندا تاس آ اندھن ہُرارہ دھنکہ شکاری ناؤچہ غان شکار ءِ ہُرے ۔۔۔۔بھلہ تاس ءِ ایس کل سنگت آتا نیامٹ تخا ، ولے دا سنگت آتا سنگتی انداخہ کڑمب اس کہ اوفک اسہ ایلو نا مون تیٹی ہُرارہ، کہ ہَرا سنگت بھاز ملاس ءِ ہمو غُٹ آن مست دیر تے تِنگے ، بھلہ داتا سہوت ءِ سرپند مس ۔۔۔۔ او اسہ بشخندہ ئسے تون چُپی ءِ پرغیسا تاس ءِ اسہ سنگت ئسے نا کنڈا دکھہ تریسا ۔۔۔۔ مل بسم اللہ کر دیر کن ، دیر بھاز ءِ دا لمہ نما اسُل نمے ملاس الیپک ۔۔۔۔ ورنا تاس ءِ ارفنگ آن مُست سنگت آتے آ ہرا ، غٹ سنگت آک خن تا اشارہ اٹ اودے دیر کننگ نا اجازت ءِ تسُر ۔او تاس ءِ ارفے ولے اونا گُٹ آن دیک امر کارہ ۔۔۔۔۔ سنگت آک ملاسو او سیر دیر مرے ۔۔۔۔ ؟ او منہ گلم ہلک گُٹ ءِ تینا مچہ پالیفنگ آن گڈ ۔۔۔۔ تینا کیب آ تولوک آ سنگت آ تاس ءِ مُریفے اندن قطار اَٹ غٹ سنگت آک تینا ملاسی ءِ مچہ مُر کریر ، منہ سات آن گڈ ۔۔۔۔
بھلّہ! ملوک اِیتبو احوال۔۔۔ غٹ سنگت آک نورل نا کنڈا ہُرار ۔۔۔۔ او خن تا اشارہ ءِ سرپند مس کہ سنگت آک احوال ءِ کنے آ بٹیر ۔۔
نورل ! لمہ جیجا احوال خیرءِ نن سنگت آک شکار کن پیش تماسُن ۔۔۔۔ شکار نا رندٹ بھاز مُر تمان نن تون انتس کہ دیر ءُ ڈڈُک اَسُر۔۔۔ ختم مسُر ،نن دیر اَنا رندٹ مَش اَنا کنڈا مون کرین کہ داڑے آبادی ئس مرو ۔۔۔۔ داڑے بسُن آبادی آ پین بنتہ نُن نما سلام آ خیر ۔۔۔۔۔ بھلہ جی جاہ نم تون انت احوال ءِ۔۔ ؟بھلّہ نا خنک غلغُلو ۔۔۔۔ نیم خڑینکی آ خن تے تو ۔۔۔۔ ورناک ای دیر اُٹ ،نما انت مریوہ۔۔۔ ؟ نورل مدان ءُ توار ئسے تون ۔۔۔۔ نم دیر اُرے ؟؟؟؟ ای ہمودُٹ کہ نما ملاسی ءِ مر کریٹ ۔۔۔۔ نمے مرک اَنا با ء غان کشاٹ نم اندھن سرپند مبو کہ ای نما لمہ ۔۔۔نم کنا ماک ۔۔۔ او نورل ورندی تریسا پارے !!! بے شک کہ نی ننا لمہ جیجا اُس ۔ بھلہ مونجھا غا مون اَتون پارے !!! ای نمے آن اسہ ہیت ئس ہریفوہ !!! اندا مثیل ۔۔۔۔؟ اگہ پیشن نا اسٹ ئس برے داڑے کنا کاٹم آن گدے کنا ارفے تار تار کے او کنا سینہ غا لغت ءِ تخے ۔۔۔ کنے لغت تریسا کائے ۔۔۔۔ تو نم امر کیرے ؟؟؟ دا ہیت ءِ بننگ تون ورناک جوزہ ٹی بسُر ۔۔۔۔ ! نم انت پارے جیجا ؟؟؟ او ننا مونا دھن کے نن اودے اندھن اِلّین ؟؟؟ ڈھاڈری آ توفک ءِ ارفیر ،،، نن اونا سینہ غان دُو پُر ئس کشینہ ۔۔۔۔ ایلو سنگت آک زغم ءِ کیِپ آن کشیسا ۔۔۔۔ نن اودے ٹکر ٹکر کینہ ۔۔۔۔ نی انت پاسہ نن انداخہ بے غیرت اُن ۔۔۔۔ بھلہ اسہ مونجھاؤ بشخندہ ئسے تون ،ورناک !!! انت نمے سما اف ، ولے نمے انت سما مروئے ؟؟؟ نم تو تینا ورنائی ءِ شغل شغال ءُ شکار ٹی تدیفنگ اُرے ۔۔۔۔ اوفتا مون آ حیرانی ئس تالان مس، لمہ !!! نم انت پاننگ خوارے ہیت ءِ صاف کبو ۔۔۔ او تینا گد اَنا پلو ءِ چکیسا باٹی کرے منہ سات سوچ ئسے ٹی ہنا ۔۔۔ اوکان گڈ !!! نمے سما ئے کہ دا ننا ڈغار لمہ نامثال ٹی ءِ ،بلکہ دا ڈغار دا ڈیہہ ننا غٹ اَنا لمہ ءِ ،اینو ڈیڈوک ننا لمہ نا سینہ غا نت ءِ تخیسا ۔۔۔۔ اونا گُدے تار تار کننگ کن بسونو ۔۔۔۔ گڑا داڑے نما غیرت ہرانگ ہنا ۔۔۔۔؟؟؟ نما غیرت اندا مس کہ نم بیرہ تینا شکار ءُ شغل اَٹ اختہ مبو ۔۔۔ اینو دا لمہ وطن ءِ نما ضرورت ءِ ، اینو لمہ وطن نا چیہانٹ آک دا ڈاک ، مَش ءُ جبل ءِ سُریفنگٹی او ۔۔۔۔ اینو راسکوہ ٹی لڑزہ تمانے ۔۔۔۔ اینو بولان ءُ چلتن نمے توار ءِ، بش مر تینا غیرت ءِ نشان ایت ،دا کافر ڈیڈو تے تینا ڈغار آن نریف ۔۔۔۔ بھلہ نا ہیت آتے آن ورنا تا خن تیٹی غیرت گروشک تِسکہ اوفتا مون آ جوزہ ئس تالان ۔۔۔۔ اسہ وار تون بش مسُر غٹ تا گول سلیسُر ۔۔۔۔ ہفت اَنا ٹولی اسہ جوزہ ئسے تون تینا توفک آتے مون آ ایسُر اسہ جاہ کریر ۔۔۔۔۔داسہ پیراِنگا بھلہ تینا ماتا جوزہ ءِ خنا تینا پیری ءِ ہم گیرام کریسا بیدے ٹیک آن بش مس ۔۔۔۔ اونا جوزہ غاک ورنأ مسُر ۔۔۔ ورناک ہکل تسُر !!! لمہ اینو نن کل سنگت آک سوغند ارفینہ کہ ۔۔۔۔۔ تینا ڈیہہ تینا لمہ وطن کن ۔۔۔۔ دا ڈیڈو تے شکار کریسا تینا ڈیہہ آن اوفتے نریفنہ ۔۔۔ دا لمہ نا ماک تاکہ زندہ او اوفک ہر ساعت ہر گام تینا لمہ نا رکھ ، چیٹ اَکن جک سلوک مرون ۔۔۔۔ بھلہ آسمان نا پارہ غا ہُرا ، اُست آن تہ اسہ کڑمبو آہ ئس ۔۔۔۔
ہنبو کنا ماک !!! اللہ پاک نم تون سنگت ءِ ،،،، اللہ نمے تینا مسخت اٹ سر سہب کے ۔۔۔ کنا اُمیت نا خنک نما توکل خدا غا ۔۔۔۔ غٹ تا اسہ توار تون !!! اینو نن ۔۔۔ اینو نن قسم ارفنہ تینا ننگ اَنا ۔۔۔۔تینا غیرت نا، ۔۔۔۔تینالمہ وطن نا ،کہ نن دا ڈیہہ ءِ ڈیڈو تے آن آجو کینہ ۔۔۔ داتا ہر گھٹ ، ہر تلار ، ہر میدان ، ہر ڈاک ، ہر مش و ہر جبل اَٹ شکار ءِ کینہ ۔۔۔۔ گڈیکو دم اِسکا، اندا ہیت آتیتون بھلہ اوفتا خیری تا پلوّ آتے آ گڑائس کننگ نا و اوفتا کلّی تے دیر آن پُر کرے ،اوفتے اُست اَنا سِخت اٹ دعا تریسا موکل کرے ۔۔۔۔۔ داسہ دافتا مسخت گام گام آ تینا لمہ وطن نا رکھ او ڈیڈو تے تینا ڈیہہ آن کشّنگ اَس ۔۔۔۔
داسہ اوفک ڈیڈو تے گھٹ و تلار آتے ٹی گھٹ کرسہ خوک کریرہ ، اوفتا بچوکا سامان تے مالِ غنیمت سر پند مریسا ،تینا راج اَنا غریب آ خلقت اَٹ بشخارہ ۔۔۔۔ اندا ٹولی نا بہادری نا خبر تیوئی آ دنیا ٹی تالان مس دشمن اوفتا پن آن لپڑزہ مسکہ ۔۔۔ بھاز وخت اوفتا سلحہ بند آجلہو دشمن آ اندھن ترند اَس، کہ دشمن نا قافلہ نا قافلہ مرک اَنا گوچی مسکہ ۔ اوفک شکار نا گرج آتے آن واخب دشمن ءِ چُک آنبار مُچ کریرہ خلکورہ ۔۔۔۔ داسہ ڈیڈو تا کل سوج اندا ٹولی آ اَس ،کہ داتے امر وڑ نا وڑ ئسے ٹی ہلین ؟؟؟ دشمن طاقت اَٹی زیات اَس ولے داتا جنگی حکمتِ عملی و سلحہ بند (گوریلا ) جلو دشمن ءِ ہبکّہ کریسس ۔۔۔۔ اسہ دے دا مرد آتا ٹولی اسہ تلار ئسے نا گھٹ اَٹی خل تا سنگر آتے ٹی تولوک تینا ماندہی ءِ دننگ کن دم کشارہ ۔۔۔۔ اوفتا توفک آک اوفتا کیب آ تخوک ۔۔۔۔ دشمن اسہ وار اَتو دا تا زی آ جُلو کرے ۔۔۔۔دشمن خوف آن اندھنو جلہو ئس کرے، کہ دا وطن نا ماتے تینے سنبھالنگ نا موقع ہم دُو بتو ۔۔۔۔ دشمن نا سم تا شنزہ ہر کنڈان شروع مس ۔
نور ل نا غٹے سنگت آک انداڑے شہید مسُر، نورل نا دوٹی ڈھاڈری آ توفک بس ۔۔۔۔بس او تینے مَش آن ریڑتس ہرا ڑان اونا جون دتر چُر مس ۔۔۔ اسہ خل ئسے نا ماسا تینے بج آ بِٹے ، دشمن اندا سر پند مس کہ او مَش آن تما ءُ مرک اَنا گواچی مس ۔۔۔۔ ولے او نا حوصلہ غاک چلتن نا بالاد آن بڑزا اسُر ۔۔۔۔ بیرہ اودے چار ڈیڈو تا مقابلہ ءِ کروئی اَس ،ہراکہ تینا سنگت آتے آن تہل تماسُر ۔۔۔۔ ہر چار آ ڈیدوک ٹاکو خلیسا بسُر او اندا سرپند مسُر کہ دا ٹولی نا نن شکارے کننگ اٹ سر سہب مسُن ۔۔۔ نورل تینا زغم ءِ تینا مُٹ اٹ کر یسہ ۔۔۔۔ ہراتم ڈیڈوک حد کریر او اسہ پُر جوزہ ءُ ہکل ئس تِس ، اونا رعب و بھیم انداخہ زور ئس، کہ دشمن ہکل تون یخ تفے ۔۔۔۔ اوفتے تینا توفک آتے کشنگ نا ہم وار بتو ۔۔۔۔۔او اسہ وار اَتون جُلہو کرے ۔۔۔۔ ہر چار آ ڈیڈو تے خوک کرے ۔ جند تہ دتر چُر آ جون اَتون مستی روان مس ۔۔۔۔ ڈیڈوک تینا چار آ سنگت آتا لاش آتے خنار تو اوفتے گمان مس کہ دا ٹولی نا اسہ سپاہی ئس داسکا زندہ ءِ ۔۔۔۔ داسہ اوفک اونا رند ءِ ہلکر ۔
نورل یکہ سلیس اونا مون علاقہ نا کماش آ ئس اندا گمان تون ۔۔۔۔ کہ او کنے تینا باہوٹ اَٹی ہلے ،یا کنے ہمسایہ دیار آ سر کریفے ،تاکہ کنا ٹپ آک دراخ مریر ، تاکہ ولدا اسہ پوسکنو عزم ئسے تون تینا ڈیہہ آ بریو ۔۔۔۔۔ تینا لمہ تون ہرا سوغندءِ ارفیٹ ہمو دے پورَو کیو ۔۔۔۔۔ او تینا ٹپی آ جون اَتون خلیسا پرغیسا قلعہ غا مون کرے ، ایڑے سر مننگ تون کماش تون ملنگ نا خواست ءِ کرے ۔۔۔۔ولے اونا بندغ آک اودے قلعہ نا دروازہ غا توریر ۔۔۔۔ واوڑتون اندا شرط ءِ تخار کہ کماش ہمو وخت اسکان نیتون ملیپک ۔۔۔ کہ تینا زغم و توفک آن بیدیس قلعہ نا تہہ ٹی بننگ کیرے ۔ او کماش نا بندغ آتے کلہو تس ۔۔۔۔ کہ نن بلوچ اُن سلحہ ننا شان ءِ ، کنا ایلو سنگت آک شہید مسُر ، ولے دا سنگت آتے تینا ای تینے آن جتا کننگ کپّرہ ۔۔۔۔۔ قاصد اندا کلہو ءِ سر کرے ولدا بس پارے ورنا !!! کماش نمے خواہک ،،،، ولے نم تینا زغم ءِ قلعہ ٹی تو اتیرے ،ولے کماش نا کوٹَو اَٹی دننگ کپیرے ۔۔۔۔ اونا کیب اَنا کوٹو اَٹی زغم ءِ تخرے ، ولدا نما ملاقات کماش تون مرو ۔۔۔ نم بے سلحہ مبو داسہ نم کماش نا باہوٹ اَٹی اُرے ۔۔۔ قاصد نا ہیت آتے بننگ آن گڈ ۔۔۔۔ او منہ سات کڑمبو گڑتی ئسے ٹی ہنا ۔۔۔۔ ولدا تینا بُربانک آتے چکیسا قاصد نا کنڈا ہرا پارے !!! زبان زبان ءِ ای تو اسہ بھروسہ ئسے آ تینا ایلم سر پند مسوٹ تہ کہ اونا ہنکین آ بسوٹ ۔۔۔۔ کنے اونا شرط منظور ءِ ۔۔۔۔ او قلعہ نا دروازہ غان تہہ ٹی پیہا ۔۔۔۔ دانگ اینگ ءِ تینا چک خلک، منہ ساعت سلنگ آن گڈ او دتر چر آ جون اَتوکماش نا دربار آ ہنِنگ کِن مستُی روان مس ،قلعہ نا تہہ ٹی لشکر نا ہر سپاہی اوڑا غور ٹ ہراکہ ۔۔۔۔ کہ دا ۔۔۔ ٹپی ٹوری آ ورنا دیر ئسے۔۔۔ ؟ شرط اَنا رِدٹ دربار نا کیب اَنا کوٹو ٹی ہنا ۔۔۔ اِرا سپاہی اونا رندٹ ۔۔۔۔ او تینا اسلحہ تے آن درُوت ہلک اوتے تاخ ٹی تخا ،اونا اُست تینا سنگت آن جتا مننگ خواتویکہ ۔۔۔۔ ولے کماش نا شرط اودے دُن مجبور کرے ۔۔۔۔ اوڑتون نیک گمان نا شابیت آ پلَّو ، یخین نا سوگوی ءُ بھروسہ ۔۔۔۔۔ اوتینا اسلحہ ءِ ہُریسا پدی گام تے تخیسا تینا سنگت آن منہ ساعت اَکن موکل کرےَ ۔۔۔۔ او کوٹو آن آڑسندہ ئسے تون پیش تما ۔۔۔۔ او کیب اَنا کوٹو (مہمان خانہ ) ٹی پیہا ،،،،، کوٹَو ٹی پیہنگ تون اونا خنک دیوال آتے آ قلم نا چشخ اٹ کشوک ، بلوچی دستار تفوک بھلا بروت و پُژہ غاتون فوٹوک درنجوک، ہراکہ اوفتا باوہ پیرہی آ تدوکا دور اَنا اسُر ۔۔۔۔ انداتا نیامٹ منہ فوٹو اندھنو اَسُر ہراتیٹی ننا ہُلی سوار آ بلوچی لشکر تا اسُر،زغم ، ڈھاڈری و دوپُر آ سلحاک دیوال نا زیب و زینت اَسُر ۔۔۔۔ اونا خنک اندا فوٹو تے ٹی خلوک ۔۔۔۔ اودے تدوکا دور ٹی گم کریسُر ۔۔۔۔ ہرافتا بہادری نا باروَٹ او تینا باوہ پیرہ غان بِنگوسُس ۔۔۔۔اونا خن تے ٹی تینا لمُہ وطن نا عشق اَنا گروشک تون اوار اوار غیرت و بہادری نا پوڑی ہم لار خلککہ۔۔۔۔ اونا عشق سوگہو اَس ، او ہرا سوغندے ارفیسُس ہمو نا پورَواری نا قرض اونا کوپہ غاتے آ ۔۔۔۔۔ او دتر چُر آ جون تہ دکی دَکھی دُکھی ولے اونا حوصلہ ، اونا جوزہ، آسمان نا جمر آتے آن ہم بڑز و بالا اَسکہ ۔۔۔۔۔ اسہ اُمیت ئس اونا مون آ تالان ہرا اُمیت اودے کماش آ سَر کریسُس ۔۔۔۔کہ منہ وخت اونا باہوٹ اَٹ مریسا دم کشیو، تاکہ کنا ٹپ آک دراخ مریر ولدا تینا مزِّل نا کنڈا راہی روان مریو ۔۔۔۔۔ اونا مزل بیرہ لمہ وطن نا رکھ ،چیٹ ءُ ڈیڈو تا کشنگ اَس ۔۔۔۔ او دا سوغند نا پورَو کننگ اس ہرادے او تینا لمہ جیجا تون کریسُس ۔۔۔۔۔ او اندا خیال آتا پلویڑ اَٹ گم ءُ گار ۔۔۔۔۔ انداڑتون کماش درگہہ غان تہہ ٹی بس ۔۔۔۔ اسہ تُرندو توار ئسے تون ۔۔۔۔ اونا خیال ءِ تینا کنڈا کریسا ۔۔۔۔۔ بخیرٹ ورنأ !!! او اسہ وار اَتون ہترم کرے ۔۔۔۔ خیال آتا پلویڑ آن آجو مریسا ۔۔۔۔ تول خیرٹ !!! جوڑ بڑھ آن گڈ کماش اودے تسلی تریسا ۔۔۔۔ ورنأنے سماءِ کہ ڈیڈوک نارنداَٹی او ۔۔۔۔ اوتے داہم سما تمنگ کیک کہ نم داڑے مرورے ۔۔۔۔۔ او اسہ پُر غمو آڑسندہ ئسے تون ، خواجہ !!! کنا غٹ سنگت آک تینا لمہ وطن کن قربان مسُر ۔۔۔۔ اوفک شہید مسُر ۔۔۔۔ کنا داڑے بننگ نا ویدن ہم اندادے، کہ ای نمے آن کمک ہلیوَ ۔۔۔منہ دے اَکن کنے تینا باہوٹ اَٹی ہلبوَ ۔۔۔یا کنےَ ۔۔۔۔ داکان ہمسایہ ڈیہہ آ سلامتی اَٹ سر کریفبوَ ۔۔۔ ہراتم کنا ٹپ آک دراخ جوڑ مسُر ولدا تینا لمہ وطن نا رکھ اَکن تینا ننگ اَنا حفاظت کن بروٹ ۔۔۔۔ کماش تینا کاٹم ءِ سوجی او وڑئسے ٹی سُریفسا ۔۔۔۔ ورنا!!! نمے سماءِ کہ ڈیڈوک ننے آن طاقت اٹ بھاز بُڑزاؤ ،اوفتے تون نن ہم پُجّنگ کپَّنہ نم اسہ بندغ انت کرورے ؟؟؟؟ نورل نا مون آ اسہ ملنڈ نا بشخندہ ئس تالان ۔۔۔۔ خواجہ !!! ہیت طاقت نا افَ ۔۔۔۔ ہیت غیرت نا ءِ ۔۔۔۔ غیرت مرے تو طاقت تینٹ بریک ۔۔۔۔ قوم آک کہینگ اَٹ کُٹیپسہ ۔۔۔۔ قوم آتے ، اوتا چائنداری ءِ ، اوتا بُن چُخ ءِ، بے غیرتی کنیک ءُ کٹیفک ۔۔۔۔ نن کُٹوکو قوم ئس افّن ۔۔۔۔ نورل نا ہیت آتے ٹی جوزہ ءُ سچائی نا چاشنی اوار اَس ۔ کماش منہ سات شیف ہُرا ءُ ولدا نورل نا کنڈا ۔۔۔۔ ورنا نے درک لگیپک، نی جوزہ غان سوچنگ اُس، عقل آن نہ ۔۔۔۔ جی خواجہ کنے تینا لمہ وطن تون عشق ءِ۔۔۔۔ عشق اَنا بال عقل آن بڑز مریک ۔۔۔۔۔ کماش منہ سات چُپ کرے ءُ اسہ کڑمبو سوچ ئسے ٹی ۔۔۔۔۔ اونا چُپی کیہی سوج آتے بش کننگٹی اَس ۔۔۔۔ اندا ٹی اسہ سپاہی ئس ہلشیسا بس ۔۔۔ خواجہ !!! ڈیڈو تا جنرل بسونے ۔۔۔ او قلعہ نا دروازہ غا ٹے ۔۔۔۔ داسہ کماش تینا بے وسی ءِ نشان تریسا ۔۔۔۔ اسہ پُرو ساہی ئس ہلک ،اسہ وار آ بش مس ۔۔۔ نورل نا کنڈا ہُریسا پارے !!! نن مجبور اُن اوفتے سماءِ کہ نم قلعہ ٹی اُرے ۔۔۔۔نمے اوفتا دُوٹی تننگ آن بیدیس نن تون ہچو کسر ئس اف ، نن اوفتے تون جنگ تننگ کپّنہ ۔۔۔۔ داسہ نورل بش مس ۔۔۔۔ اونا جون اَٹی تلوسّہ ئس تما ۔۔۔۔ داسہ اودے سما تما کہ کماش بھاز اڑزان بہا مسونے ،اودے غم تینا کہینگ نا ہلَو۔۔۔۔ او تو کاٹم ءِ تلف آ تخاسُس ،اودے غم تینا تا بے وسی نا اَس ۔۔۔۔ اواسہ جوزہ تون خن تے کشیسا کماش آ ہُرا ،او ہکل کرے !!! ای ہرا سوغندے لمہ تون ارفینُٹ اودے پورَو کیوہ ۔۔۔۔ ای تنیا جنگ کریسا کہینگ ءِ قبول کیوہ ۔۔۔۔ ولے ۔۔۔۔ ای تینے اوتا دُوٹی تِفرہ ۔۔۔۔۔ ای جنگ کیوہَ ۔۔۔۔ آہوَ ۔۔۔۔ ای۔۔۔۔۔ جنگ کیوہ ۔ اونا لہجہ بہادری ءُ غیرت نا کلہو ءِ تِسکہ ۔
کماش !!! داسہ ہچ مننگ کپّک تینے اوتا دُوٹی تروئی ءِ او ۔۔۔۔۔ او تینا دوتے مخ اَٹی خلیسا ۔۔۔۔ کنا اسہ شرط ئسے نے ہمو شرط ءِ منوئی تمِک ۔۔۔۔ دُنکہ ای نا اولیکو شرط ءِ منّاٹ تینا اسلحہ ءِ تینا سنگت ءِ تینے آن مُر تخاٹ ۔۔۔۔۔ کماش نا انت شرط ئسے نی پا ؟؟؟؟ کنا شرط دادے کہ کنے انداخہ اِلّے، کہ ای تینا سنگت یعنی تیناا سلحہ تون صلاح کیوَ ۔۔۔۔ ہرا کہ کیب اَنا کوٹو اَٹی ءِ۔۔۔۔ اوکان گڈ ای فیصلہ کروٹ کہ ای مُستی انت کیو ؟ کماش !!! جوان ولے نا دوتے پدآن تفور گڑا ۔۔۔۔۔ او کماش آ ہُریسا تینا کاٹم ءِ شیفی بڑزی سُریفسا اَہو کرے ۔۔۔۔ کماش نا حکم تون اونا دو تے پدی تفیر اودے کیب اَنا کوٹو آ دریر، اونا زغم ءُ توفک ءِ اونا
مون آ تخار ۔۔۔۔۔ داسہ جوزہ غان اونا دندانک اسہ ایلو تون لگیسا ۔۔۔۔ اونا سنگت آتا دروشمک ۔۔۔۔ اونا مون آ بریسا کریر۔۔۔۔ او گوڈ خلیسا توس۔۔۔۔ اونا خنک پھل آنبار خیسُن ۔۔۔۔ او تیناا سلحہ غاتے تون ہیت کریسا ۔۔۔۔۔ اے کنا سنگت !!!! نی گواہ مریس ۔۔۔۔۔ نی گواہ مریس ۔۔۔۔ ای ہرا سوغندے ارفینُٹ ۔۔۔ ای ہموڑا گڈیکو ساعت اسکان سلوکٹ ، ولے کنے انت سما اس ،کہ داڑے کنا ننگ اَنا سودا مسونے ، کنے انت سما اَس ،کہ کنے آستونک نا دُوشہ کنیک ۔۔۔ کنے انت سما اَس ۔۔۔۔ کہ ننا غیرت آتے مرک اَنا بھیم گڑز خلیک ۔۔۔۔ ولدا ہم ۔۔۔۔ ای کہینگ کن تیار اُٹ ۔۔۔ ولے ۔۔۔۔ ای بہا مفروٹ ۔جوزہ غان اونا جوڑک لڑزارہ ،، او نا جون اٹ غیرت نا لڑزہ اَس ، اونا دُوتے تیناک تفیسُر ، او جوڑ تے تینا زغم اَنا کنڈا درے۔۔۔۔ اسہ وار اَتون ترندی اٹ تینا دم ءِ تینا سینہ غان کشّا اودے اسہ بُک ئس ہلک ۔۔۔ او تینا سنگت آن جتا مننگ خواتویکہ ۔۔۔۔ولے
اسہ درپّارہ ئسے تون ڈیڈوک جلہو کریر وَ اودے دزگیر کریسا۔۔۔۔ اودے جامِ شہادت نا پیالہ غان گلم ئس تنگیفنگ کِن دریر ۔۔۔۔۔ اوسُکرات نا مثال پیالہ ءِ بوزا تخا شہادت نا جام ءِ نوش کرے ۔۔۔۔ تینا ننگ اَکن تینا ڈیہہ اَکن ۔۔۔۔لمہ وطن نا ہمو گد اَنا رکھ اَکن ہرادے ڈیڈوک تینا ناپاک آ نت تیتو لتاڑنگ کن بسوسُر ۔۔۔۔۔ او مرک ءِ تینا بانکر اٹ ہلک ولے
۔۔۔۔ اونا سنگت آتا دروشمک ۔۔۔۔ اونا مون آ بریسا کریر۔۔۔۔ او گوڈ خلیسا توس۔۔۔۔ اونا خنک پھل آنبار خیسُن ۔۔۔۔ او تیناا سلحہ غاتے تون ہیت کریسا ۔۔۔۔۔ اے کنا سنگت !!!! نی گواہ مریس ۔۔۔۔۔ نی گواہ مریس ۔۔۔۔ ای ہرا سوغندے ارفینُٹ ۔۔۔ ای ہموڑا گڈیکو ساعت اسکان سلوکٹ ، ولے کنے انت سما اس ،کہ داڑے کنا ننگ اَنا سودا مسونے ، کنے انت سما اَس ،کہ کنے آستونک نا دُوشہ کنیک ۔۔۔ کنے انت سما اَس ۔۔۔۔ کہ ننا غیرت آتے مرک اَنا بھیم گڑز خلیک ۔۔۔۔ ولدا ہم ۔۔۔۔ ای کہینگ کن تیار اُٹ ۔۔۔ ولے ۔۔۔۔ ای بہا مفروٹ ۔جوزہ غان اونا جوڑک لڑزارہ ،، او نا جون اٹ غیرت نا لڑزہ اَس ، اونا دُوتے تیناک تفیسُر ، او جوڑ تے تینا زغم اَنا کنڈا درے۔۔۔۔ اسہ وار اَتون ترندی اٹ تینا دم ءِ تینا سینہ غان کشّا اودے اسہ بُک ئس ہلک ۔۔۔ او تینا سنگت آن جتا مننگ خواتویکہ ۔۔۔۔ولے
اسہ درپّارہ ئسے تون ڈیڈوک جلہو کریر وَ اودے دزگیر کریسا۔۔۔۔ اودے جامِ شہادت نا پیالہ غان گلم ئس تنگیفنگ کِن دریر ۔۔۔۔۔ اوسُکرات نا مثال پیالہ ءِ بوزا تخا شہادت نا جام ءِ نوش کرے ۔۔۔۔ تینا ننگ اَکن تینا ڈیہہ اَکن ۔۔۔۔لمہ وطن نا ہمو گد اَنا رکھ اَکن ہرادے ڈیڈوک تینا ناپاک آ نت تیتو لتاڑنگ کن بسوسُر ۔۔۔۔۔ او مرک ءِ تینا بانکر اٹ ہلک ولے

تینا سوغند آن ٹلتو۔۔۔۔ اودے پورَو کریسا شہید مس ۔ داسہ ہم دا مَش او دیامان اٹ ،اسہ شوہان ئس تینا لیکو نا لارہ تون پاہک کہ
او دے نازیفک اونا بہادری ءِ ، اونا غیرت ءِ ، اونا ہمو غیرت ءِ کہ ننے او غیرت نا کلہو ایتک۔۔۔۔ کہ ہرا اسٹ عشق کیک تینا وطن تون ،،،، تینا ڈیہہ اَتون ءُ ہمو عشق
اٹ تینا جان ءِ ندر کیک ۔
ہمو شعر داسہ ہم ننا جون اٹ غیرت شاغیسا کائک ، ننے عشق اَنا ہمو داستان ءِ پائک ہرا سوگہوی نا کڑمبی تیٹی ٹُبی خلیک ءُ پائک
،
نورا نورا حمزہ نا مارے
کسیفینے کافر تا چارے