سنگت ادبی دیوان نا ہفتہ وار طرعی مشاعرہ۔۔۔۔۔ حوال ظہور صدیقی
سنگت ادبی دیوان نا پارہ غان گدرینگوک آ یک شنبے نا طرحی مشاعرہ براہوئی زبان نا پنی آ شاعر سفرنامہ نگار و کالم نگار
قیوم بیدار نا تروک آ طرحہ غا اڈ ہلک، ہراٹی شاعراک تینا نوشت آتے مون آ ایسر۔ بندوک طرحی سلسلہ نا 8 میکو کڑی حاضر
خذمت ءِ
قیوم بیدار
درد و غم تا نیام اٹی نن زندہ ان
یوسف نسیم
زندگی ٹی نیکے زندہ کسکنن
آخری آرام اٹی نن زندہ ان
ظہور صدیقی
آسراتی ٹی چڑہ اوغسہ نی
ہر ننے کہ وام اٹی نن زندہ ان
سائر عزیز
دشت انا اے آہڑی آمد اٹی
بلبل آن بس وام اٹی نن زندہ ان
عادل نسیم
زیبل آتا محفل اٹ پاریٹ غزل
پر خڑینکی جام اٹی نن زندہ ان
زائد نسیم جلال آبادی
معزہ ءِ عشق انا زائد ہرک
چار کنڈا الزام اٹی نن زندہ ان
رخسانہ کنول
یا خدا زندہ تخس صدیقی ءِ
مہر انا تے گام اٹی نن زندہ ان
ماہ جبین سحر
نن لڑی ان کل اسے بندوک انا
مہی کدہ سے جان اٹی نن زندہ ان
سعد اللہ سعد
پر خمار ءِ دا کچاری ساقیا
داسکان جام اٹی نن زندہ ان
صابر وحید
طوبے ءِ پاریر دن ککو منہ
نے کہ قید و وام اٹی نن زندہ ان
سائل مینگل
سنگ مر مر تیٹی جوڑ ءِ دا ڈغار
بارن انگا طعام اٹی نن نزدہ ان
ضیاء الحق فراز
حسن تو وختی ننے کسفے مگر
عشق انا سہ شام اٹی نن زندہ ان
راشد جانان
لمہ نا مہر دعاتا برکت ءِ
ہر کسر ہر گام اٹی نن زندہ ان
اشتیاق ظہیر
گل کروءِ پا ہراتم دا چمن
خار اسے ہر گام اٹی نن زندہ ان
اکرم ساجد
حق ادا اونا مو دا مشکل ءِ
مہر انا وام اٹی نن زندہ ان
Sangat Adabi Deewan ... Zahoor Siddiqui
0 comments:
Post a Comment
Feel free to submite any question regarding this article.